No mes de setembro despedímonos do verán. Adieu ás longas horas de luz e ás terrazas repletas. A vida debe continuar. Por sorte, tamén continúa a programación do cine clube! Este mes de outubro traémosche una carteleira très français.
En homenaxe ao recentemente falecido director franco-suízo Jean-Luc Godard, maior representante da corrente da nouvelle vague que nos anos 60 transformou por completo o panorama cinematográfico francés, abriremos a programación de outubro cun filme do director. Inconformista, polémico e incombustible, con media década de traxectoria, Godard deixou tras de sí un legado de máis de 100 títulos, innumerables premios e recoñecementos, e unha fonte de inspiración infinda para artistas pasados, presentes e futuros. Pierrot le fou (o tolo) é a cinta elixida para visionado na gran pantalla do Salón García. Este filme de 1965 é un dos máis aclamados do director, tanto polo seu estilo rompedor como pola forma errática de representar aos personaxes principais, con idas e vindas, cambios de escena que aparentan inconexas, diálogos rotos (e improvisados polos actores) e referencias directas ao público. En palabras do propio Godard, o que vemos neste filme “c’est la vie“.
Proxección: mércores 5 de outubro, 21h00.
Outro autor consagrado en Francia, de traxectoria máis recente, é Jacques Audiard, quen destacou o pasado ano coa súa cinta Les Olympiades ou PARÍS distrito 13, nominada en varios festivais internacionais (Cannes entre eles). O guion (co-escrito con Céline Sciamma, outra grande do panorama francés) nos fala dun trío de relacións. Amor, amizade e sexo se mesturan no barrio numero 13 de París, quartier des Olympiades. Algunhas das críticas aclaman a cinta por ser a única gravada na capital francesa que non amosa a súa famosa torre, detalle suficiente para suscitar interese no filme.
Proxección: mércores 19 de outubro, 21h00.
Este outubro, vén aprender francés con nós!
(Reserva a túa praza para non perder detalle)
Un nome para o que sou (colaboración EOI)
Salón García
Rúa do Alcalde Rey Daviña, Vilagarcía de Arousa, Pontevedra
How to Have Sex (especial 25N)
Salón García
Rúa do Alcalde Rey Daviña, Vilagarcía de Arousa, Pontevedra
El chico y la garza
Salón García
Rúa do Alcalde Rey Daviña, Vilagarcía de Arousa, Pontevedra
Espectáculo filme concerto DJ Maefield
Salón García
Rúa do Alcalde Rey Daviña, Vilagarcía de Arousa, Pontevedra
